Mjeksia-Grup
Faliminderit per viziten!

Nese keni deshire qe te i lexoni te gjitha seksionet e forumit ju sygjerojm qe te regjistroheni, seksionet te cilat nuk mund te i leconi pa u regjistruar jane: Prodhime Tona, Libra Shqipë, Libra te huaj, Seminare Mjeksore, Teste te Provimeve etj. Andaj behu pjese e jona, regjistrimi juaj ndihm per dike.

Me rrespekt Saffi i M-G


Www.Mjeksia-Grup.tk
Www.Mjeksia-Grup.com
Www.Mjeksia-Grup.forumotion.com



Mjeksia-Grup


Share | 
 

 Dobitë që sjellin fruta dhe perimet

Shko poshtë 
AutoriMesazh
dr.FjoollaaH™
WebMaster
WebMaster
avatar

<b>Postime</b> Postime : 9044

MesazhTitulli: Dobitë që sjellin fruta dhe perimet   Sat Mar 02, 2013 10:53 pm

Pemët dhe perimet janë ato që nuk duhet t’i mungojnë asnjë njeriu në asnjërën nga ditët e jetës së tij. Ato janë shumë të mira për shëndetin e secilit, madje kontribuojnë edhe në shërimin e sëmundjeve të caktuara. Megjithëse stinët e verës dhe vjeshtës ka muaj që kanë kaluar, tregjet janë akoma të mbushura me frutat dhe perimet e këtyre stinëve. Le të shohim pak vlerat ushqyese të këtyre produkteve:

- Hurma: Janë të pasura me fibra, yndyrë dhe proteina. Në të njëjtën kohë tek hurma mund të gjesh sodium, potasium, kalcium, magnez, hekur, fosfor dhe klor. Hurma përmban dhe vitaminat A, betakaroten, B1, B2, B3 dhe B6. Është një frutë i ëmbël dhe shumë i preferuar nga blerësit. Hurma luan një rol të rëndësishëm në mbrojtjen kundër sëmundjeve të zemrës dhe enëve të gjakut si dhe ndikon pozitivisht në heqjen e shqetësimeve si dhimbje fyti, bronkit, kollë dhe ftohje.

- Qitro: Qitro është një burim i mrekullueshëm vitamine C dhe ndihmon në përforcimin e sistemit imunitar. Gjithashtu ndikon në pakësimin e simptomave të ftohjes. Mundëson plotësimin me 75% të nevojës suaj ditore për vitaminë C. Me një shije pak më të fortë se portokalli qitroja mund të përdoret në sallata, lëngje frutash apo bashkë me avokadon. Është një burim i mirë fibrash, vitaminë A, potasiumi, folat dhe vitamine B5. Si një burim i mirë likopeni qitroja zotëron aktivitetin antitumor dhe një kapacitet të lartë kundër radikaleve të lira që dëmtojnë qelizën. Qitro përmban po ashtu edhe pektinë, e cila ul nivelin e kolesterolit në gjak.

- Kivi: Ka më shumë vitaminë C se portokalli. Në 100 gram gjenden mesatarisht 100-400 mg vitaminë C. Personat që konsumojnë shumë fruta të pasura me vitaminë C preken më pak nga gripi apo sëmundjet tjera të sistemit respirator. Krahas kësaj kivi është një nga frutat më të pasura me magnez, potasium, përmban pak sodium, vitaminë E, bakër, vitaminë B2 dhe vitaminë A.

- Dardha: Me anë të fosforit dhe vitaminës B që përmban largon lodhjen mendore. Me ndihmën e fibrave të lira, dardha ekuilibron nivelin e kolesterolit, mundëson funksionimin normal të zorrëve. Përmban shumë vitaminë C dhe bakër. Dardha po ashtu mbron trupin përballë radikaleve të lira me anë të veçorisë antioksiduese.

- Mandarina: Pjesë e grupit të agrumeve, mandarina është një burim i mirë i vitaminës C dhe betakarotenit. Me anë të fosforit dhe vitaminës B largon lodhjen mendore. Ekuilibron nivelin e kolesterolit në gjak dhe mundëson në funksionim normal të zorrëve. Ndihmon në uljen e tensionit me anë të potasiumit që përmban. Përshpejton qarkullimin e gjakut në enë.

- Shega: Shega e pasur me kokrra të vogla, të kuqe por të pasura me veçorinë antioksiduese është burim i vitaminës C dhe folatit. Lëngu i shegës përmban më shumë veçori antioksiduese se vera e kuqe. 100 ml lëng shege përmban 2-3 herë më shumë antioksidues se 100 ml verë e kuqe apo 100 ml çaj i gjelbër. Me anë të vlerave ushqyese ul kolesterolin, mbron shëndetin e zemrës dhe me ndihmën e antioksiduesve të mbron nga kanceri.

- Lulelakra: Lulelakra përmban vitaminë C, folat, vitaminë B5, B6, potasium, magnez dhe acidet omega-3. Ka efekte mbrojtëse kundër kancerit në sajë të mikrovlerave ushqyese që përmban. Minimizon rrezikun e kancerit të prostatit, kolorektal dhe mëlçisë.

- Kungulli: Është shumë i pasur me vitaminë A. Në të njëjtën kohë përmban shumë fibra, vitaminë C dhe K, hekur, magnez, vitaminë E, B, potasium dhe fosfor. Gjysmë gote kungull i ëmbël plotëson sasinë e beta karotenit. Mund të përdoret në përgatitjen e ëmbëlsirave ose gjellëve me krip

_______________________
L.VETEVENDOSJE!
Feja e Shqiptarit është Shqiptaria
Mbrapsht në krye Shko poshtë
http://www.mjeksia-grup.tk
 
Dobitë që sjellin fruta dhe perimet
Mbrapsht në krye 
Faqja 1 e 1
 Similar topics
-
» Depresioni
» Ushqimi sipas shenjave
» Supersticioni

Drejtat e ktij Forumit:Ju nuk mund ti përgjigjeni temave të këtij forumi
Mjeksia-Grup :: Kendi i Keshillave :: Ushqimi dhe Dieta-
Kërce tek: