Sllovenët nuk frikësohen nga Anglia

Lubjanë, 8 qershor - Kapiteni i Përfaqësueses së Sllovenisë, Robert Koren, thotë se ekipi i tij aspak nuk i frikësohet Anglisë kur të përballet në kampionatin botëror "Afrika e Jugut 2010" në kuadër të Grupit C. "Nuk i frikësohemi Anglisë apo më mirë të them nuk ia kemi frikën askujt. Të gjithë mendojnë se Anglia do të ketë punë shumë të lehtë me Slloveninë, por vetëm prisni dhe do të shihni", ka deklaruar Koren të hënën për mediet e huaja. Sllovenia krahas Anglisë në grupin C do të ketë punë edhe me Algjerinë dhe SHBA-në.