Google bën ndryshime në Google News

Google është duke testuar disa tipare të reja në faqen e Google News, ku do të bëjë riorganizimin e mënyrës se si shfrytëzuesit shohin lajmet e paraqitura në faqe, dhe duke shtuar përmbajtjen e zgjedhur nga njerëzit dhe jo nga softuerët e automatizuar.
Ndoshta ndryshimi më i dallueshëm, i cili është vëzhguar nga Search Engine Land, në të cilin Google është duke eksperimentuar, është një dizajn në formë të blogut i cili i liston lajmet sipas kategorisë në një kolonë të vetme, në vend të shtyllave në dy krahët të cilat aktualisht janë duke u përdorur në faqe.

Brenda asaj kolone, përdoruesit mund të ndryshojnë preferencat e tyre, dhe të shtojnë vetëm lajmet të cilat ata do të dëshirojnë të shohin. Për më tepër, Google do të shfaq një buton të emërtuar “Spotlight” i cili do të përzgjedh vetëm lajme të caktuara, nëpër tema të ndryshme.

Por Google News - e cila pati debutuar me premtimin që të gjitha lajmet në faqe janë të përzgjedhura nga algoritmet - është gjithashtu duke u përpjekur të shtojë edhe një seksion të quajtur "Editor's Picks" ku redaktorët nga një grup i vogël i publikimeve do të mund të shfaqin pesë artikuj që ata kanë zgjedhur për t’i theksuar.

Publikimi e theksuara në këtë seksion do të ndryshojnë për çdo vizitë tek faqja, ndërsa përzgjedhja e lajmeve do të bëhet në bashkëpunim me kompanitë si Reuters, US Magazine, dhe The Atlantic, thuhet sipas gazetës amerikane New York Times. /