Turqia dhe fqinjët arab krijojnë zonën e tregtisë së lirë

Turqia ka rënë dakord me fqinjët e saj arab, Sirinë, Libanin dhe Jordaninë për të krijuar një zonë të tregtisë së lirë. Plani u publikua gjatë një takimi mes ministrave të vendeve arabe dhe ministrit turk në Stamboll. Qëllimi i krijimit të kësaj zone është të përmirësojë marrëdhëniet ekonomike mes Turqisë së etur për tju bashkuar Bashkimit Evropian dhe pjesës tjetër të rajonit.
Pavarësisht rritjes së shpejtë të viteve të fundit, marrëdhëniet tregtare të Turqisë me botën arabe paraqet një pjesë të tregtisë me Evropën. Një nga karakteristikat e politikës së jashtme turke për energjetikën është prirja drejtë interesave të biznesit, këtë e tregon dhe fakti se zakonisht në udhëtimet jashtë Turqisë së kryeministrit Erdoan, ai shoqërohet nga sipërmarrësit turq.