Kthehet në burg, i pakënaqur me jetën në liri

Një i burgosur nga Mozambiku, i cili është lën në liri me kusht, pasi e ka vuajtur gjysmën e dënimit, është kthyer sërish në burg kur ka zbuluar të metat që i sjellë jetesa në liri.

Camilo Antonio (28), i dënuar për vrasje, i ka kaluar 10 vjet në burg në burgun e qytetit Manika në Mozambikun qendror, transmetoi gazeta lokale Noticias.

I zhgënjyer që nuk ka mundur të gjejë punë dhe i frikësuar nga hakmarrja e mundshme e familjes së viktimës të cilën e ka vra, ai ka vendosur të kthehet në burg.

“Burgu është për mua vendi më i sigurt. Nuk është se dua të jetojë në burg, por tash për tash këtu është vendi më i mirë që kam mundur ta gjejë”, ka thënë Antonio.