Google Music Store pritet të lëshohet në vjeshtë?

Bazuar në burime të shumta të informacionit, thuhet se kompania Google do të vazhdojë me zhvillimin e projektit, i cili ka për synim krijimin e shërbimit muzikor, të cilin do ta quaj Google Music Store.
Ajo që është duke u planifikuar nga gjiganti softuerik amerikan, është krijimi i një shërbimi muzikor i cili do të ofrojë muzikë me mundësi për shkarkim dhe streaming, ndërsa i gjithë ky projekt pritet të jetë i gatshëm deri në mesin e vjeshtës së këtij viti.

Më herët, kompania Google pati bërë të ditur se dëshiron që përdoruesve të telefonave Android tu ofrojë mundësi më të mira, bashkë me avancimin e mëtutjeshëm të sistemit të saj operativ për telefonat mobil.

Megjithatë, duket se Google dëshiron të zgjerojë shërbimet e saj edhe jashtë sistemit operativ Android, ndërsa shenjat e para të kësaj qasje janë vërejtur gjatë ngjarjes Consumer Electronics Show, e cila është mbajtur gjatë muajit Janar.