Kapet sasi rekord pornografie fëmijësh

Një austriak është arrestuar në Vjenë për më shumë se një milion materiale pornografike me fëmijë.
Një zëdhënës i zyrës federale austriake për hetimin e krimeve thotë se materialet e konfiskuara përbëjnë edhe sasinë më të madhe të materialeve pornografike fëmijësh të kapura ndonjëherë në Evropë.

Policia tha se sasia jashtëzakonisht e madhe e materialeve pornografike fëmijësh, që përfshin fotografi digjitale dhe materiale filmike, u gjet në apartamentin e një 53 vjeçari nga Vjena.

Në këto materiale shihen fëmijë dhe foshnje që dhunohen seksualisht. Policia tha se disa nga skenat përfshijnë edhe dhunë.

Personit, të cilit nuk i jepet emri, dyshohet edhe për dhunimin e dy fëmijëve të vegjël të një gruaje tajlandeze që jetonte me të.

Policia thotë se personi u arrestua në muajin prill, por çështja është bërë publike vetëm tani, për shkak të shkallës së hetimit dhe sensibilitetit.

Austriaku besohet se e ka filluar koleksionin e pornografisë 7 apo 8 vjet më parë. /bbc/