Shpërthim i rëndë në një minierë në Kinë

Shpërthim i rëndë në një minierë në Kinë

Nga një shpërthim në një minierë kineze kanë humbur jetën të paktën 46 punëtorë. 12 minatorë llogariten të humbur, njofton agjencia e lajmeve Xinhua.
Shpërthimi i lëndës eksplozive ndodhi në minierën e qymyrit në rajonin Veidong, në provincën e Kinës qendrore, Henan. Në kohën e aksidentit duhet të kenë qenë në punë 72 minatorë.

Në minierat e qymyrit në Kinë vdesin çdo vit mijëra minatorë. Veçanërisht minierat e vogla mbahen për mangësi në rregullat e sigurisë.

Kina mbulon më shumë se dy të tretat e prodhimit të energjisë së nevojshme të vendit nga qymyri. /DW/