Bashkë-themeluesi i Apple braktisi kompaninë për 800 dollarë

Ron Wayne është një bastexhi më shumë, në Nugget Hotel & Casino në Nevada. Ai vjen në këtë vend disa herë në javë, për ta provuar fatin e tij në makinën e pokerit.
Mirëpo, në njërën prej ditëve, ai hyri në kazino bashkë me kamerat e CNN, duke i lënë të gjithë të habitur, sepse askush nuk dinte gjë për të kaluarën e tij në Apple.

“Unë jam njëri ndër themeluesit e kompanisë Apple Computers” ka thënë Wayne, i cili tani ka mbushur 76 vjet. “Unë jetoj me sigurim social ndërsa bëjë një punë modeste me koleksionistët e vulave dhe monedhave” ka thënë ai.

Ironia e të qenit brenda një kazinoje nuk është e humbur për Wayne. Në fund të fundit, nëse karriera e tij e kaluar në Apple do të kishte shkuar ndryshe, ai do të kishte fituar shumë më shumë, ose marrë në shifra: 10 për qind të aksioneve të Apple.

Sot, vlera e këtyre aksioneve do të ishte 22 miliardë dollar. Ndërsa, Wayne e la kompaninë Apple vetëm për 800 dollarë.

"Çfarë mund të them? Secili prej nesh merr një vendim të bazuar në atë se sa din në atë kohë dhe në ato rrethana, dhe jeton me këtë fakt më pas" tha ai. / cnn /