Berisha dhe Thaçi takohen në Durrës

Kryeministri i Shqipërisë, Sali Berisha dhe kryeministri i Kosovës, Hashim Thaçi, do të takohen të dielën në Durrës për të mbajtur një takim midis tyre.
Bëhet e ditur se temë boshte e takimit do të jetë diskutimi i çështjeve me interes të ndërsjellë ndërshtetëror, si dhe proceset e integrimeve euroatlantike të të dy vendeve, me theks të veçantë në shkëmbimin e përvojave në procesin e stabilizim asociimit, liberalizimit të vizave dhe menaxhimin e integruar të kufijve.

Në takim do të marrin pjesë edhe ministrat përkatës të punëve të brendshme dhe të integrimeve evropiane të dy qeverive.