Hetimet do të vazhdojnë pa ndërhyrjen e politikë

Shefi i Zyrës Civile Ndërkombëtare dhe njëherësh përfaqësues i posaçëm i BE-së, Pieter Feith ka thënë se hetimi për korrupsion ndaj zyrtarëve të lartë të Kosovës do të vazhdojë edhe më tej, dhe atë pa ndërhyrjen e politikës.
“Për hetimin në fjalë, EULEX ka vepruar mbi bazën e mandatit që është miratuar nga BE dhe Qeveria e Kosovës. Ky mandat synon mbrojtjen e institucioneve të Kosovës nëpërmjet ndihmës, mbikëqyrjes dhe këshillimit të institucioneve të drejtësisë në Kosovë”, ka thënë Feith për Alsat, duke u përgjigjur rreth hetimeve që janë duke u zhvilluar në Ministrinë e Transportit dhe Postë-Telekomunikacionit në Kosovë.

Feith ka thënë se hetimi për korrupsion do të vazhdojnë. “Hetimi do të vazhdojë. Do të vazhdojë pa ndërhyrjen e politikës”, ka thënë ai.