Moisiu: Hallet ti zgjidhim vetë

Dy ish-presidentët e Shqipërisë, Alfred Moisiu dhe Rexhep Mejdani kanë komentuar për situatën politike në vend.
Menjëherë pas një aktiviteti në qytetin e Fierit, Moisiu i pyetur nga gazetarët ripërsëriti qëndrimin e tij për transparencën ndërsa tha se i takon dy liderëve të japin shembull bashkëpunimi.

“Hallin tonë duhet të zgjidhim vetë, por gjithsesi falënderoj ndërkombëtarët për ndërmjetësimin”.

Sipas Moisiut, lidhur me zgjedhjet e 28 qershorti, nevojitet transparencë e plotë.

Ndërkaq ish-presidenti tjetër, Rexhep Mejdani tha se PS arriti misionin e saj, atë për votën e lirë dhe se pjesa tjetër e misionit për socialistët mbetet, pjesëmarrja në procese politike.

“PS arriti misionin për votën e lirë, pasi me përpjekjet e PS u rrit ndjeshmëria për votën. Pjesa tjetër e misionit mbetet pjesëmarrja në parlament e proceset politike të vendit”, apeloi nga ana e tij Mejdani. /Balkanweb/