Kosova goditet nga një tërmet, në Serbi dy të vdekur

Prishtinë, 3 nëntor - Vendi është tronditur sërish nga dridhjet e fuqishme të tokës. Tërmeti më i ri ka ndodhur në orën 01:58 minuta të mëngjesit të sotëm. Dridhjet e tokës janë dëgjuar në shumë qytete të vendit. Qendra Evropiane e Sezmiliogjisë ka raportuar se fuqia e tërmetit ka qenë 5.4 të shkallës së Rihterit.
Muajt e fundit Kosova është tronditur nga një seri tërmetesh, që janë ndjerë më shumë në pjesën lindore të vendit.
Nuk ka njoftime nga Kosova për viktima në njerëz e as për dëme materiale.
Tërmeti, që kishte epiqendrën në Kralevë të Serbisë, është ndier thuajse në gjithë Ballkanin. Në Kralevë, sipas medieve të Beogradit, nga tërmeti kanë vdekur dy veta – një çift.
Dy orë pas tërmetit në Serbi, një tërmet tjetër ka dridhur pjesën evropiane të Turqisë, njoftojnë agjencitë (në foto një pamje nga Kraleva pas tërmetit).