Chrome rritet, Internet Explorer bie

Në tregun e shfletuesve të internetit në tetor janë vazhduar trendet e mëhershme të cilat tregojnë për rritjen e shpejt të Chrome në dëm të Internet Explorerit.
Sipas të dhënave statistikore të cilat i ka grumbulluar kompania Net Applications në tetor kanë vazhduar trendet e mëhershme në tregun e shfletuesve të internetit.

Kështu, Chrome vazhdon të rritet shpejt dhe atë kryesisht në dëm të Internet Explorerit, përderisa Firefox, Safari e Opera praktikisht nuk ndryshojnë pjesëmarrjen e tyre në treg.


Internet Explorer edhe më tutje është shfletuesi bindshëm udhëheqës i internetit, mirëpo pjesëmarrja e tij ka rënë nga 59.7% në shtator, në 59.3% në tetor. Në vendin e dytë është Firefox i cili ka rënë lehtazi nga 23 në 22. 9%, përderisa Chrome në të tretin ka shënuar rritje nga 8 në 8.5%. Safari është në vendin e katër me 5.3% të pjesëmarrjes e cila praktikisht nuk ka ndryshuar krahasuar me shtatorin, gjersa Opera ka shënuar rënie nga 2.4 në 2.3% të pjesëmarrjes.