Haziri kryetar i LDK-së në Gjilan, e Isa Mustafën e duan në qendër

**Studentë** i FM-së **Postime** : 3702

Gjilan, 4 nëntor - Lutfi Haziri është rizgjedhur kryetar i Degës së LDK-së në Gjilan, në Kuvendin e VII-të zgjedhor, të mërkurën në mbrëmje. Haziri është rizgjedhur nga kuvendarët e LDK-së me vota të fshehta dhe me kundërkandidat. Haziri aktualisht është nënkryetar i Kryesisë qendrore të LDK-së dhe ministër i dorëhequr.
Dega e LDK-së në Gjilan, në Kuvendin e saj zgjedhor kërkoi nga lidershipi i kësaj
partie unifikim të qëndrimeve për të mos lejuar sërish përçarjen e LDK-së, si e
vetmja mundësi që kjo parti të marrë udhëheqjen e vendit.
Ajo që u vërejt gjatë punimeve të këtij Kuvendi, ishte edhe mbështetja e plotë e delegatëve të pranishëm për Isa Mustafën, që ai të jetë lider i këtij subjekti politik.
Delegatët e kësaj dege partiake kanë ndërprerë disa herë fjalimin e deputetit të
Parlamentit të Kosovës, Fatmir Rexhepi, duke u shprehur hapur pro kandidaturës së
Isa Mustafës për kryetar të LDK-së .