Bill Clinton bëhet aktor

Bill Clinton provoi edhe zanatin e aktorit. Ish presidenti amerikan luajti një rol mysafir në vazhdimin e filmit të popullarizuar “Hangover”. Clinton është parë në sheshin e xhirimit në Tajlandë, ndërsa mu për shkak të tij sigurimi në shesh-xhirim ishte i shtuar dhe gazetarët as që kanë mundur të afroheshin, njoftoi TMZ.
Clinton para disa muajsh ishte shumë i shqetësuar për shëndetin e tij dhe mendoi se nuk i kishte mbetur më shumë se gjysmë viti jetë.

“Po përpiqet të jetë pozitiv por duket se është i rrënuar. Është plakur dhjetë vjet vetëm brenda disa muajve dhe ka frikë se zemra do t’i ndalet në çdo moment,” tha një burim i afërt me Clintonin.

Duket se këto ishin vetëm thashetheme pasi Clinton gëzon shëndet të mirë dhe kohët e fundit vërtetë është duke e shijuar jetën.