Shqipëria shënon ngritje historike në renditjen e FIFA-s

Tiranë, 18 nëntor - Përfaqësuesja e Shqipërisë është ngritur në pozitën më të lartë që ka qenë ndonjëherë në renditjen e FIFA-s. Shqipëria në renditjen e muajit tetor të publikuar të mërkurën, zë pozitën e 58-të me 520 pikë. Shqipëria është ngritur plot shtatë vende për dallim nga muaji i kaluar. Më herët renditja më e lartë e Shqipërisë në listën e FIFA-s ishte shënuar në gusht të vitit 2006, kur pozicionohej e 62-ta. Ndërkohë renditja më e ulët ishte ajo e gushtit të vitit 1997, kur ishte në pozitën e 124-t. Shqipëria muajin tetor zhvilloi dy ndeshje eliminatore për Evropianin 2012, barazoi me Bosnjë-Hercegovinën në Tiranë (1:1) dhe humbi nga Bjellorusia (2:0) në Minsk.

Renditjen e FIFA-s vazhdon ta kryesojë Spanja me 1920 pikë, pasojnë Holanda e Brazili.