250 milionë njerëz çdo ditë përdorin Facebookun

Themeluesi dhe drejtori ekzekutiv i Facebook - Mark Zuckerberg, ka thënë se kompania e tij ka më shumë se 500 milionë anëtarë, ndërsa gjysma e tyre e përdorin këtë rrjet social çdo ditë. Dhe kjo, falë rritjes së përshpejtuar të industrisë së telefonave të mençur mobil.
Zuckerberg e ka dhënë këtë statistikë të pabesueshme gjatë diskutimit në panelin e Samitit Web 2.0, së bashku me Tim O'Reilly dhe John Battelle.

Drejtori i Përgjithshëm i Facebook beson se shumë industri do të rimodelohen rreth aktivitetit ‘social’ të përdoruesve.

Zuckerberg gjithashtu zbuloi se kohët e fundit produkti i këtij rrjeti social i njohur për të gjithë ne si, Groups, "ka qenë një nga produktet me rritjen më të shpejtë ndonjëherë."