Dell Inspiron Duo në shitje

Kompjuteri hibrid tablet-netbook Inspiron Duo i kompanisë Dell shitet (në SHBA) me çmim prej 549 dollarësh, e dërgesat e para tek blerësit do të duhej të fillonin gjatë muajit dhjetor.
Pajisja e cila shumë thjesht mund të shndërrohet nga kompjuteri netbook në atë tablet dhe anasjelltas mund të para-porositet me anë të shërbimit Microsoft Store me çmim fillestar prej 549 dollarësh për SHBA.Konfiguracioni bazik përbëhet nga procesori dybërthamësh Atom N550 i Intel me takt punues 1.5 GHz, ekranit 10.1-inçësh të ndjeshëm në prekje me rezolucion 1.366 x 768 piksela, 2 GB RAM dhe disk të fortë të kapacitetit 320 GB, e për sistem operativ shfrytëzohet Windows 7 Home Premium.