Facebook nuk e përkrah Twitter!

Njëri prej themeluesve të rrjetit social më të madh në botë për mikro-blogim, Evan Williams, ka thënë se është shumë irrituese se si Facebook nuk i lejon përdoruesit e Twitter t’i kërkojnë miqtë e tyre në Facebook.
Për më tepër, ai tha se Twitter tashmë e ka shprehur pakënaqësinë e saj për mënyrën se si Facebook nuk po e lejon shkëmbimin e asnjë lloj informacioni nga Twitter.

Lidhur me këto çështje, Williams është deklaruar në një konferencë e cila është mbajtur pikërisht për risitë teknologjike dhe njëra ndër temat kryesore të kësaj konference ishte bashkëpunimi mes kompanive të internetit.

Në pyetjen se si mund të përdoret Facebook për të ndihmuar kompanitë tjera digjitale, Williams është përgjigjur se pikërisht kjo faqe nuk po shkëmben asnjë lloj informacioni me kompanitë tjera të cilat mund të përfitojnë nga ato.