Kështu do të duket Subaru Impreza

Subaru na e ka shfaqur një befasi të këndshme në panairin e automjeteve të Los Angelesit duke paraqitur studimin dizajnues të modelit të radhës – Impreza.
Kompakti japonez muajve të fundit ka qenë cak kritikash të adhuruesve të pakënaqur të cilët ankoheshin për dizajnin pa karakter dhe orientimin e tij kah ekonomia e jo performansat, mirëpo duket se këtë gjë do të mund ta ndryshonte gjenerata e re.

Koncepti dizajnues në Los Angeles qartazi tregon largimin nga linjat bajate dhe kthimit kah ato të theksuara dhe agresive, e gjykuar sipas raportit të lëshuar për medie, as adhuruesit e vozitjes së shpejtë nuk do të duhej të përjashtoheshin.

Nën kapak gjendet motori dylitërsh bokser katër-cilindërsh me transmetim të vazhdueshëm variabël, në vend të marshit automatik me lidhje të dyfishtë, dhe me fuqi simetrike integrale. A nënkupton kjo se Subaru ka hequr dorë nga Impreza me tërheqje në boshtin e përparmë për hir të zvogëlimit të shpenzimeve? Këtë gjë do ta marrim vesh në mot, e deri atëherë vetëm mund të kënaqemi në linjat moderne të konceptit të shfaqura në këto fotografi të paraqitura.