Medvedev kritikon tabletin Samsung Tab

Presidenti rus Dmitry Medvedev në profilin e tij Twitter ka vendosur fotografinë e bërë me kompjuterin e tij tablet Galaxy Tab dhe ka vlerësuar se kamera e integruar në të nuk është edhe aq kualitative.
Medvedev është shfrytëzues i njohur i pajisjeve elektronike siç janë iPhone apo iPad, e ai është shumë aktiv edhe në rrjetin Twitter ku vazhdimisht publikon fotografi nga të gjitha udhëtimet e tij nëpër botë. Fotografitë më së shpeshti i përpunon me kamerën e tij digjitale Leica M9, mirëpo ‘cicërima’ e tij e fundit në Twitter ka një fotografi të cilën e ka bërë me kompjuterin tablet Samsung Tab.

Fotografia në të cilën shihet bora e parë në Moskë është përcjellë me komentin e presidentit rus se nuk është i kënaqur me kualitetin e kamerës në tabletin GT-P1000 Tab.

Kohë më parë Medvedev ka qenë në vizitë në Korenë Jugore, prandaj supozohet se atje edhe ka blerë kompjuterin tablet të kompanisë Samsung.