Telefon i mençur nga Acer

Në konferencën e mbajtur në New York Acer u ka shfaqur të pranishmëve një telefon të mençur interesant, shitja e të cilit do të duhej të fillonte në muajin prill të vitit të ardhshëm. Pajisja ende nuk ka emër zyrtar tregtar, e nuk dihet as versioni i parainstaluar i sistemit operativ Android, i cili e fut atë në funksion.
Kompania megjithatë ka publikuar disa specifika teknike, të cilat përfshijnë procesorin 1 GHz Snapdragon, kamerën e përparme prej 2-megapikselash për video-thirrje dhe kamerën e pasme prej 8-megapikselash me blic LED dhe mundësi të incizimit të video materialeve me rezolucion prej 720p.
Në veçanti Acer është përpjekur rreth ekranit, kështu që ky telefon i mençur (smartphone) integron ekranin 4.8-inçësh me rezolucion prej 1.024 x 480 pikselash, që do të duhej të jetë i përshtatshëm edhe për shfletimin të internet dhe shikim të filmave.

Nga gjërat tjera vlen të theksohen HSDPA, 802.11 n dhe lidhja Bluetooth 3.0. Çmimi, natyrisht, tani për tani, nuk dihet.