Beatles shesin 450 mijë albume dhe dy milionë këngë në iTunes

Katalogu i grupit legjendar “The Beatles” i publikuar në iTunes pak më shumë se para një jave, duket se ka qenë një sukses i madh për Apple dhe pronarët e katalogut të Beatles në iTunes.
Apple ka njoftuar se që në javën e parë kur Beatles “zbarkuan” në iTunes, ata kanë shitur rreth 450.000 albume, plus dy milionë këngë individuale.

Natyrisht kjo është vetëm java e parë e shitjeve, dhe gjithsesi se do të jetë interesante të shihet se çfarë rekorde do të arrihen gjatë ditëve dhe javëve në vazhdim.

Në anën tjetër, kompania Apple gjithashtu do ta rrisë publicitetin e saj, si një përpjekje për të shitur më shumë albume të Beatles gjatë disa javëve të ardhshme.