Opera Mini vazhdon të rritet

Muaj pas muaji Opera na raporton për rritjen e numrit të përdoruesve të shfletuesit të tyre të internetit për celularë - Opera Mini.
Në raportin e vet mujor Opera ka sjellë të dhëna për rritjen e mëtutjeshme të popullaritetit të shfletuesit të vet Opera Mini.

Gjatë tetorit, ky shfletues mobil ka rritur bazën e përdoruesve në 76.3 milionë, që krahasuar me muajin shtator të këtij viti është rritje prej 7.1 për qind. Ndërsa, krahasuar me shtatorin e vitit të kaluar, numri i përdoruesve është rritur për 92%.Përdoruesit e Opera Mini gjatë muajit të kaluar kanë hapur 41.6 miliardë faqe dhe kanë gjeneruar 616 milionë megabajt të dhëna. Numri i faqeve të hapura krahasuar me shtatorin është rritur për 12.6%, e trafiku është më i madh për 15.1%. Përderisa, krahasuar me shtatorin e vitit të kaluar, rritja e trafikut është hiq më pak se 134%.

Në rast se Opera Mini nuk do të kompresonte të dhënat, vetëm në tetor përdoruesit do të transmetonin 5.7 petabajt të dhëna.