Super-automjeti i McLaren - 200.000 euro

Dymbëdhjetë vjet pas përfundimit të prodhimit të super-automjetit të parë komercial të McLaren, F1, në shitje do të del trashëguesi i tij. Automjetit tërheqës MP4-12C britanikët ia kanë përcaktuar edhe çmimin, i cili është për afro 5.000 euro se konkurrenti i tij italian Ferrari 458.
Prodhuesi nga Woking për super-automjetin e tij do të kërkojë 200.000 euro në Gjermani. Këto janë bukur shumë para për modelin bazik i cili nuk vjen as me frena qeramike, por për to duhet të paguhen para shtesë.
Megjithatë, për ato para blerësi do të merr një automjet 1.300 kilogramë të rëndë i cili në tërësi është përpunuar nga fijet karbonike, dhe ka motor V8 me turbo të dyfishtë të vendosur në mes të tij me 592 kuaj fuqi.
McLaren do të prodhojë vetëm 1.000 njësi të MP4-12C në vitin e parë, e supozohet se interesi i blerësve është aq i madh sa që çmimi do të duhej të jetë problemi më i vogël i prodhuesit britanik gjatë periudhës së ardhshme.