Monument për jashtëtokësorët e vdekur në Ukrainë

Kiev, 7 dhjetor – Qyteti ukrainas, Bericev, planifikon ngritjen e një monumenti në shenjë kujtimi për jashtëtokësorët, të cilët kanë vdekur në përpjekje për të vënë kontakte me njerëzit.

Lideri i grupit hulumtues të UFO-ve, Aleksandar Naljsman, deklaroi për agjencinë ruse RIA Novosti, se kontakti me civilizimet jashtëtokësore është “fakt i pakundërshtueshëm”.

Megjithatë, shumë vizitorë nga hapësira, ka precizuar ai, kanë vdekur gjatë fatkeqësive me pjatat fluturuese, duke u përpjekur të ulen në Tokë.