Nuk ka jetë pa internet

Një e katërta prej rreth dy mijë të anketuarve besojnë se teknologjia e internetit kishte ndikimin më të madh në jetën e tyre, e ndjekur pastaj nga Facebook me 22 për qind dhe Google me 10 për qind.

Hulumtimi i bërë nga agjencia "Zogby" tregoi se interneti kishte ndikimin më të madh për njerëzit në 20 vitet e fundit.

Në pyetjen - pa cilën arritje teknologjike nuk mund të jetoni, 28 për qind e të anketuarve janë përgjigjur se interneti me shpejtësi të lartë zë vendin e parë, ndërsa 18 për qind e njerëzve mendojnë se jeta e tyre nuk do të ishte e njëjtë pa postën elektronike (email).

Ndërsa, vetëm 3 për qind e njerëzve thanë se nuk mund të jetojnë pa Facebook.