Makolli, në pritje të "shpërthimit"

Futbollisti shqiptar i Djurgardenit, Trimi Makolli, vlerësohet si talent i madh në Suedi. Mirëpo, sulmuesi 18-vjeçar gjithë vitin 2010 ka pasur vetëm një ndeshje me skuadrën e parë të Djurgardenit. Ai e vlerëson këtë mundësi si shumë të vogël dhe shpreson të ketë më shumë aktivizime vitin e ardhshëm. "Unë nuk kam pasur rast të vërtetë për të treguar veten këtë vit. Tash jam duke punuar në eksplozivitetin tim, dua të jem më i shpejtë në dhjetë metrat e parë. Po ashtu, duhet të jem më agresiv në fushë", ka thënë Makolli për faqen zyrtare të Djurgardenit. Ai luan me skuadrën U-21 të Djurgardenit. Djurgarden bën pjesë në elitën e futbollit suedez. "Unë dua së pari të siguroj një vend në formacionin standard të klubit, më pas synoj të luaj në një skuadër evropiane".