Peshku që do të zbulojë sekretin e gjumit

Ky peshk i vogel do të ndihmojë biologët të gjejnë përgjigjen e pyetjeve shumëvjecare rreth problemeve të gjumit, çfarë ndodh në tru gjatë kohës që jemi në gjumë dhe sa i dobishëm është gjumi.

Revista “BBC Focus” ka botuar shkrimin, ku thuhet se specialistët e Universitetit Stanford analizuan trurin e peshqve zebra dhe treguan mënyrën sesi ndryshon numri i sinapseve gjatë natës dhe ditës.

Shkencetaret, të cilët analizuan peshkun e llojit zebra, panë se larvat e këtyre peshqve janë të tejdukshme (transparente). Kështu duke shfrytëzuar sistemin e ri të pasqyrimit floresans specialistët do të vëzhgojnë 24 orë lidhjet neuronale të peshqve. Krahas kësaj specialistët kanë zbuluar dhe një gjen të njohur si “NPTX2b”, i cili rregullon ndryshimet ritmike sinaptike.