Eto’o nuk shkon te Reali

Jose Mourinho sipas të gjitha gjasave nuk do ta ketë në skuadrën e tij pas janarit sulmuesin kamerunas, Samuel Eto’o.

Spekulimet nga Spanja pohuan se Reali është në gjendje të bëjë një transferim sensacional të kamerunasit që aktualisht është nën kontratë te Interi, spekulime këto që i hodhi poshtë agjenti i Eto’os.

“Real Madridi nuk është i interesuar për Eto’on, ai do të luajë për Interin deri në vitin 2014”.

“Eto’o është në Kamerun dhe ai kurrë nuk ka folur për diçka të tillë. Ai është mirë te Interi dhe dëshiron ta përmbushë kontratën e tij e cila skadon në vitin 2014”, sqaroi agjenti Jose Maria Mesalles.