Ndajnë fitimin prej 355 milionë dollarëve

New York, 6 janar - Dy amerikanët kanë pasur fat të mërkurën, duke fituar në lotarinë “Mega Millions” një shpërblim prej 355 milionë dollarëve. Jackpotin e lotarisë e ka fituar një qytetar nga shteti Idaho, kurse tjetri nga Washingtoni. Natyrisht, emrat e tyre nuk janë publikuar për shkaqe sigurie.
Lotaria më e madhe amerikane të mërkurën kishte arritur çmimin më të lartë prej 355 milionë dollarëve, gjë që ka nxitur shumë amerikanë për të provuar fatin.
Çmimi më i madh i fituar në ndonjë nga lotaritë në SHB është fituar në vitin 2010, kur, po ashtu, dy veta patën fituar 363 milionë dollarë.