Venezuela me rezervat më të mëdha të naftës

Karakas, 13 janar – Presidenti i Venezuelës, Hugo Chavez, ka deklaruar se Venezuela ka rritur “në mënyrë dramatike rezervat e provuara të naftës” dhe sipas vlerësimeve qeveritare tani është e para në botë.
Chavez deklaroi se “shkencërisht është provuar se Venezuela tani është në vendin e parë në botë për nga rezervat e naftës”, njoftojnë agjencitë.
Ai tha se zyrtarët në dhjetor kanë konfirmuar se depozitat e mëdha të naftës në pellgun e lumit Orinoko “kanë arritur 253 miliardë barela”. Majin e kaluar, qeveria ka njoftuar se rezervat e konfirmuara arrijnë në 172 miliardë barela.
Përndryshe, Arabia Saudite ka llogaritur viteve të fundit se rezervat e saj janë më të mëdha se 260 miliardë barelë naftë.