Akrobacionet e skejterit pa këmbë

Rio de Janeiro, 26 janar - Skejbordi është një disiplinë, e cila kërkon shumë orë stërvitje, këmbëngulje dhe kurajo. E çfarë këmbëngulje duhet për skejbordin pa këmbë?!.
Disa vjet më parë, në botë qarkulluan xhirimet e Oga de Souzes, skejterit pa këmbë, i cili me aftësitë e tij mahniti publikun në gjithë botën.
Këtë ditë në YouTube janë vendosur xhirimet e djaloshit brazilian, Ital Roman, të cilin shumë e kanë shpallur “pasardhës” të Souzes. Akrobacionet që ky djalosh i bën të lënë pa frymë dhe provojnë se pavarësisht të gjithave, njeriu mund të bëjë atë që dëshiron derisa të ketë vullnet dhe këmbëngulje, transmetojnë mediet kroate.