Yahoo e Nokia zgjerojnë bashkëpunimin

Me anë të partneritetit të zgjeruar shërbimet e Yahoo për udhëheqje me postën elektronike (Yahoo Mail) dhe shërbimit për komunikim të çastit (Yahoo Messenger) do të integrohen në platformën e internetit Ovi të Nokias. Në anën tjetër, teknologjia hartografike e Nokias, të cilën kompania e ka marrë me blerjen e Navteq, do të nis shërbimet hartografike dhe naviguese të Yahoo.

Të dy kompanitë bashkëpunojnë qysh prej vitit 2005, kështu që disa modele të celularëve të Nokias shiten me qasje të integruar në shërbimet e Yahoo.

Kryeshefja ekzekutive e Yahoo, Carol Bartz, ka thënë se partneriteti i ri i zgjeruar nuk është ekskluziv, respektivisht se Yahoo do të vazhdojë të bashkëpunojë edhe me prodhuesit tjerë të telefonave celularë dhe do të integrojë shërbimet e veta në sisteme operative të telefonave të ndryshëm të mençur.

Ndërkohë, kryeshefi ekzekutiv i Nokias, Olli-Pekka Kallasvuo, beson se nëpërmes këtij bashkëpunimi kompania e tij do të forcojë pozitën e vet në tregun problematik të Amerikës Veriore. Ani pse Nokia në nivel global udhëheqë bindshëm si prodhues i telefonave celularë, në SHBA kjo kompani është vetëm në vendin e pestë.