Ata duhet të skuqen!

Sot është 41 vjetori i Universitetit Publik të Prishtinës. Para 41 vjetësh ky universitet hap si liri e mendimit të shqiptarëve pas demostratave që ishin bërë në 1968. Sot pas 41 vjetësh universiteti ynë në vend se të ishte i modernizuar e në hap me universitetet evropiane ai është në gjendje të mjerë. Fjalët tona për ta ilustruar këtë gjendje do të ishin të tepërta, pasi gjendja e rëndë në universitet është e dukshme dhe atë e njohin të gjithë studentët. Por ne studentët e Qendrës “STUDIM KRITIKË VEPRIM”, një poezi të Fan Nolit, Anës Lumenjve para 90 vjetësh e gjejmë aktuale ende sot.



Ne i tërheqim vërejtjen Rektorit, Këshillit drejtues të Universitetit dhe Mistrisë së Arsimit, Shkencës e Teknologjisë për vendimet që kanë paralajmëruar të merren si shkurtimi i bursave dhe rritja e pagesave për semestër se ne studentët e UP-së do të organizohemi në të gjitha format për të mos lejuar zbatimin e vendimeve të tilla. Është e padrejtë që të shkurtohet buxheti për arsim për të shtruar rrugët ku disa të shëtiten me xhipa e truproje.





Sot, më 15 shkurt 2011, Qendra “STUDIM KRITIKË VEPRIM” organizoi një aksion protestues me rastin e 41 vjetorit të Universitetit të Prishtinës. Aktivistët e Qendrës Studim Kritikë Veprim në rrethojën e rektoratit të Universitetit vendosën posterin me poezinë e Fan.S.Nolit (Anës Lumenjve), në të cilën ironizohet mbi gjendjen e sotme të Universitetit të Prishtinës, ndërkaq gjatë fjalimit rektori Mujë Rugova u “përskuq” me ngjyrë, për turpin në të cilin e ka katandisur Universitetin e Prishtinës sot.



Pas kësaj, aktivistët e qendrës “STUDIM KRITIKË VEPRIM”, gjatë fjalimit të rektorit Mujë Rugova në manifestimin përkujtimor të themelimit të UP-së, kanë ngjyrosur rektorin me ngjyrë të kuqe. Pas kësaj disa civilë kane goditur aktivistët Rron Gjinovci dhe Durim Jasharaj dhe më pas këta të dy janë arrestuar nga policia e Kosovës.

Kërkojmë lirimin e menjëhershëm të aktivistëve të qendrës “STUDIM KRITIKË VEPRIM” të cilët në mënyrë paqësore protestuan ndaj rektorit të padrejtë të UP-së.