Mashkulli më i lumtur: punon i vetëm me 89 gra

Romë, 24 shkurt – E përditshmja italiane “Italia Oggi” publikoi sot historinë e një kompanie të rrallë, në të cilën midis 90 punonjësve, 89 janë femra dhe vetëm drejtori është mashkull.

Rasti, i cili me shumë mundësi mund të jetë unik në botë, është regjistruar në qytetin e Baselit, në Zvicër, ku ka edhe selinë kryesore kompania MSC.

Ndonëse ka një total prej 50 mijë punëtorësh, që punojnë në flotën detare të kompanisë, në zyrën qendrore, vetëm drejtori i madh është mashkull, ndërsa të gjithë punonjëset e tjera janë femra.

Gratë përcaktojnë rrugët nëpër të cilat transportohet pambuku, frutat, lënda drusore apo destinimet e kryqëzorëve për pushime, plus të gjithë aktivitetin tjetër, financiar, ligjor dhe administrative të firmës, transmeton TCH.

Sipas drejtorit të përgjithshëm 60-vjeçar, ai ka punësuar vetëm personat që kanë paraqitur dosjet më të kualifikuara, por janë të shumtë ata që e kanë të vështirë ta besojnë këtë.