Eliminohet Manchester City

Manchester City është eliminuar nga gara e dytë më prestigjioze e futbollit evropian, Europa League, pasi nuk arriti të shkrijë disavantazhin prej dy golave nga ndeshja e parë, në ndeshjen kthyese të zhvilluar ndaj Dynamo Kievit në Mançester.
Manchester City ishte më ofensiv nga minuta e parë, pasi kishte një detyrë të vështirë – rikthimin nga disavantazhi prej dy golave nga ndeshja e parë e zhvilluar në Ukrainë.

Gjithçka për Cityn shkoi keq kur Mario Balotelli u përjashtua në minutën e 36-të nga loja pasi u ndëshkua me karton të kuq pas një ndërhyrje të ashpër në një prej futbollistëve të Dinamos.

Megjithatë, tre minuta më vonë reprezentuesi serb Aleksandar Kolarov (39’) shënoi nga distanca për 1-0, që mbeti dhe rezultati përfundimtar i këtij takimi.

Kështu, Manchester City eliminohet nga Europa League, me Dinamo Kievin që arriti kualifikimin në çerekfinale, shorti i të cilit mbahet tërhiqet të premtën në ora 13:00. /Telegrafi/