Filloni pranverën me vitamina dhe ushqim të shëndetshëm

Londër, 31 mars - Te shumica e njerëzve, pranvera, lulëzimi i natyrës dhe dielli i parë, në vend të ndjenjës që u mbushen bateritë, shkaktojnë edhe lodhjen dhe depresionin pranveror. Por, përveç rasteve më të vështira nga gjendja e tillë mund të nxirreni pa intervenimin e mjekut, por me menynë e përpiluar mençur. Organizmit, i cili lufton me lodhjen, i nevojitet të sigurojë ushqime të pasura me vitaminën C, kompleksin e vitaminave B, vitaminë E dhe acide yndyrore omega3. Të gjithë këto ushqime janë të pasura me energji të cilat në mënyrë stimuluese veprojnë në sistemin imun. Shumicën e këtyre antioksidantëve natyrorë është e mundshme t’i gjeni në natyrë, respektivisht në ushqim. Mjalti, për efektin e dobishëm të të cilit janë shkruar libra e libra, edhe në luftë me lodhjen dhe depresionin do të jetë aleati juaj më i mirë. Këshilla të cilën nutricionistët e theksojnë si urdhër në luftë me këto probleme është shumë e thjeshtë.
Çdo mëngjes në të esëll hani një lugë mjaltë të përzierë me një lugë pluhur lulesh apo polen. Kjo do t’ju sigurojë sasinë e mjaftueshme ditore të antioksidantëve. Vetëm kini kujdes që mjaltin ta merrni me lugë plastike apo të drurit sepse në prekje me metal oksidohet, thekson nutricionistja Karin Jones nga Universiteti i Bristolit. Përveç mjaltit shumë të dobishme në luftë me depresionin do të jenë edhe frutat arrore, drithërat e papërpunuara, perimet e gjelbra, bananet dhe mëlmesa, të cilat ndikojnë në mënyrë stimuluese në sistemin nervor. Përveç kësaj, provoni sa më shumë kohë të kaloni në ajër dhe të pini sasi të mëdha të ujit. Në luftë me lodhjen dhe depresionin do t’ju ndihmojë edhe qëndrimi në ajër të freskët.
Cimeti – përveç që me aromën e vet nxit vigjilencën e organizmit, i shkëlqyeshëm është edhe për përmirësim të koncentrimit.
Lajthitë – mungesa e hekurit në organizëm shkakton lodhje, mungesë të energjisë dhe anemi. Kompensojeni duke ngrënë lajthi.
Mjalti – rrit energjinë, ka efekt imunostimulues dhe është antioksidant natyror.
Bananet – janë të pasura me kalium, magnez dhe grupin e vitaminave B, ndihmojnë në luftë kundër depresionit
Arrat - njerëzit depresivë kanë mungesë të vitaminave E. Me këtë antioksidant të fortë janë të pasur frutat arrore.