Samsung lanson modelin Galaxy S Plus

Samsung ka publikuar detajet e modelit më të ri të telefonit të saj të mençur, i cili radhitet në mesin e modeleve tjera të linjës Galaxy S, përkatësisht modelin Galaxy S Plus , i cili së shpejti do të dal në shitje në tregun rus me emrin Samsung Galaxy S 2011.
Samsung Galaxy S Plus posedon procesorin me 1.4 GHz, ekranin e ndjeshëm WVGA Super AMOLED me 4 inç, 8GB memorie të brendshme, si dhe mundësinë për të incizuar HD video dhe baterinë 1,650 mAh.

Modeli më i ri i telefonit të Samsung, Samsung Galaxy S Plus në treg do të paraqitet me Android 2.3 Gingerbread, dhe i njëjti do të përfshijë edhe ndërfaqen e saj të njohur si TouchWiz 3.0.

Për këtë model të ri të telefonit të Samsung është thënë se do të dal në shitje fillimisht në Rusi, dhe çmimi i tij do të jetë rreth 844 dollarë amerikan. / Telegrafi /