Qeni shpëtohet nga deti tri javë pas cunamit (Video)

Tokio, 2 prill – Pjesëtarët e rojës bregdetare japoneze në largësi dy kilometra nga bregu, në mbeturinat e shtëpive që i ka marrë cunami më 11 mars, më 1 prill kanë gjetur një qen, i cili i kishte shpëtuar tërmetit, cunamit dhe tri javëve qëndrimi i vetëm në det.
Në mesin e lajmeve tragjike nga Japonia kohë pas kohe vjen edhe ndonjë lajm pozitiv. Një i tillë padyshim është edhe tregimi për mbijetesën e mrekullueshme të një qeni. Tri javë pas cunamit shkatërrimtar dhe katastrofal, qeni u gjet në det, afër vendbanimit Kesenum në verilindje të Japonisë.

Pasi e kishin vërejtur nga helikopteri, pjesëtarë e rojës kufitare u nisën për ta shpëtuar., por detyra nuk ishte edhe aq e lehtë. Kjo për shkak se qeni shtatë orë iu ikte kur ata përpiqeshin ta bartnin nga mbeturinat në anije. Kur më në fund ia dolën, qeni filloi t’iu lëpinte duart dhe kësisoj sikur donte t’i falënderonte për shpëtimin e jetës. Ky qen ende nuk i është dorëzuar askujt, pasi nuk dihet se kujt i takon kështu që për një kohë do të mbetet me shpëtimtarët.
Aksioni intensiv i kërkimit të të mbijetuarve në Japoni po zhvillohet tash e tri javë, pasi tashmë numri i të zhdukurve ka arritur shifrën prej 18 mijë vetëve. Rasti i këtij qeni u jep shpresa shpëtimtarëve që mbase do të mund të gjejnë edhe ndonjë njeri të mbijetuar.