AAK fton për tryezë politike

Kryesia e Aleancës për Ardhmërinë e Kosovës (AAK), në mbledhjen e mbajtur të hënën, e vlerësoi si të thelluar krizën politike në Kosovë, duke rikonfirmon bindjen se prania dhe lidershipi i Ramush Haradinaj po i mungon Kosovës në këto procese shtetndërtuese dhe konsoliduese të vendit.

Kryesia e AAK-së rikonfirmoi qëndrimin e saj se situata e tashme mund të tejkalohet përmes respektimit të plotë të Kushtetutës, krijimit të konsensusit politik në Kosovë dhe përgatitjes së mirë politike dhe teknike të proceseve të ardhshme.

Po ashtu Kryesia e AAK-së fton udhëheqjen politike të Kosovës për inicimin e tryezës politike të të gjitha subjekteve politike parlamentare, me qëllim të gjetjes së konsensusit për zhvillimet e ardhshme. Konsensusi është i arritshëm, por për këtë duhet vullnet politik duke vendosur interesin e shtetit mbi të gjitha.

Ndryshimi i Kushtetutës së Kosovës dhe i Ligjit për zgjedhjet e përgjithshme janë të domosdoshme për stabilizimin afatgjatë të skenës politike të vendit, e cila është e dëmtuar rëndë me zgjedhjet e manipuluara parlamentare të dhjetorit të vitit të kaluar.
Duke i dhënë përkrahje Grupit Parlamentar të AAK-së për veprimet e deritashme në Kuvendi, Kryesia e AAK-së vlerëson që procedimi i votimit për presidentin e Kosovës në Kuvendin, pa arritur paraprakisht konsensusin midis subjekteve politike në tryezën politike, do ta çonte vendin në një rrugë tepër të rrezikshme, me pasoja të paparashikueshme për Kosovën.

Ideja për inicimin e tryezës politike është dhënë nga kryetari Haradinaj në pjesën e parë të vitit 2010, dhe është ripërsëritur më 8 shkurt të këtij viti nga Këshilli Drejtues i AAK-s