Kryetari i Vetëvendosjes, vetëm dy mandate

Lëvizja “Vetëvendosje!” ka filluar zgjedhjet e brendshme. Lëvizja ka miratuar edhe statutin, që ka për bazë qytetarinë aktive dhe pjesëmarrjen e drejtpërdrejtë në vendimmarrje. Një gjë që e dallon “Vetëvendosjen” nga partitë e tjera, sipas Dardan Molliqaj, aktivist i “Vetëvendosjes”, është edhe kufizimi i mandatit të kryetarit të lëvizjes, që nuk do të mund të vazhdohet më shumë se 2 mandate. Kjo sipas Molliqajt është bërë pasi që nga praktika e partive tjera, del se kundërkandidati për kryetar, është vetëm farsë. Për çështjet e rëndësishme, do të vendoset në bazë të referendumit të brendshëm, ku secili anëtarë i “Vetëvendosjes!” do të votojë, ka shtuar ai. Tri nivelet organizative do të jenë, nisur nga fshatrat dhe lagjet si pika e parë, niveli i dytë komunat, dhe niveli i tretë ai përgjithshëm. Molliqaj, u ka bërë thirrje anëtarëve dhe simpatizantëve që ti bashkohen këtij procesi.