Thaçi: Duam hisen tonë në buxhet

Kreu i PDSH-së, Menduh Thaçi, në takime me qytetarë të Shkupit ka theksuar se partia e tij do të kërkojë hisen që i takon shqiptarëve në buxhetin e shtetit.
“Maqedonasit aq shumë e kanë ngushtuar hapësirën vepruese të këtyre shqiptarëve në qeveri sa që ‘ata’ detyrohen të nxjerrin prej punës për të punësuar dikë tjetër. Të nderuar, papunësia nuk zgjidhet kështu. Pa marrë hisen që iu takon shqiptarëve në buxhet, nuk do të mund të përmirësohen kushtet jetësore as të zbutet papunësia”.

“Ku do të punësojnë tjetër, në administratën shtetërore? Jo s’është e vërtetë. Ka edhe nja 7-800 vende aty dhe sa më afër i afrohemi UE aq më të rrepta janë rregullat. FMN dhe Banka Botërore, të gjitha shteteve të bllokut të lindjes të cilët pretendojnë integrimin u thotë uleni administratën, zvogëlojeni administratën dhe s’ka hapësirë për punësime në bazë të këtij konstelacioni që e kemi”, ka theksuar Thaçi, raporton INA.

Sipas tij, është momenti që të fitojë platforma e PDSH-së, duke marrë legjitimitet që të mundet më lehtë dhe e pakushtëzuar të realizohet ajo. /Telegrafi/