Përfundon takimi Kuçi-Stefanovic

Zëvendëskryeministri Hajredin Kuçi ka përfunduar takimin me përfaqësuesin e Beogradit në dialogun me Prishtinën, Borisllav Stefanovic. Ky i fundit ka dalë nga ndërtesa e Qeverisë së Kosovës nga një dalje anësore.

Protestuesit janë duke u larguar nga pjesa e Qeverisë së re, për të shkuar në ndërtesën tjetër të Qeverisë, tek busti i Skënderbeut.

Nuk dihet nëse ka ndryshuar agjenda e Stefanovicit dhe se a do të takohet me kryeministren Edita Tahiri.

Ndërsa, bëhet e ditur se ka të lënduar si nga radhët e lëvizjes Vetëvendosje, po ashtu edhe nga Policia. Po ashtu mësohet se janë arrestuar disa pjesëtarë të Vetëvendosjes, të cilët kanë hedhur gurë dhe ngjyrë.

Policia e Kosovës ka ndërhyrë në protestën e Vetëvendosjes, duke përdorur edhe gaz lotsjellës, në tentim të largimit të protestuesve nga pjesa ku ndodhet Qeveria./Telegrafi/