Vetëvendosje zbulon kontratën midis Qeverisë dhe “Bechtel-Enka”

Të hënën në Kuvend deputetët e Lëvizjes Vetëvendosje - Visar Imeri dhe Albin Kurti, e bënë publike kontratën midis Qeverisë dhe konzorciumit amerikano-turk “Bechtel-Enka”.
Kjo kontratë i është dërguar para pak ditësh Kurtit dhe Imerit nga persona të panjohur.
Deputetët e Vetëvendosje kanë thënë se e kanë ndjerë si obligim moral që këtë kontratë, që po mbahet e fshehur nga Qeveria e Kosovës ta ndajnë me publikun.
Ekspertët e Vetëvendosjes janë duke e analizuar në hollësi këtë kontratë dhe pasdite do të mbajnë një konferencë për media në lidhje me këtë çështje.
Duket se insistimi i vazhdueshëm i Vetëvendosje, që kjo kontratë të bëhet publike, ka bërë që Kurtit dhe Imerit t’i dërgohet kjo kontratë në adresat e tyre.
“Lëvizja Vetëvendosje është për rrugën e kombit, por ne duam transparencë të plotë për gjithçka që bëhet në emër të kombit”, ka thënë Kurti. /Telegrafi/