Duhet të përmbushen kushtet për liberalizimin e vizave

Eurodeputeti, Eduard Kukan tha të premten në Prishtinë se Parlamenti Evropian përkrahë integrimin evropian të Kosovës, mirëpo shprehu qëndrimin se duhet të përmbushen standardet e kërkuara nga BE-ja, si dhe kushtet për liberalizimin e vizave.
Eurodeputeti këto komente i bëri gjatë një takimi me kryetarin e kuvendit, Jakup Krasniqi.
Ndërkaq, kryetari i Kuvendit Jakup Krasniqi theksoi se pengesë kryesore e integrimeve të Kosovës në BE është mosnjohja nga pesë vendet anëtare. /Telegrafi/