Videokamerë rezistuese ndaj ujit

Sanyo Xacti është një videokamerë me të cilën nuk keni nevojë të keni frikë nga shiu, e as incizimi nën sipërfaqe të ujit nuk është problem për të, dhe krejt këto në dimensione të xhepit.
Prodhuesi Sanyo ka paraqitur një videokamerë në linjën e vet Xacti e cila është rezistuese ndaj ujit. Shenja dalluese e modelit është DMX-CA100, e incizimi i video materialeve, respektivisht fotografive, mund të bëhet edhe në thellësi deri në tri metra.

Nga karakteristikat tjera veçohet sensori CMOS me rezolucion prej 14 megapiksela, stabilizimi digjital i fotografisë, njohja e fytyrës në kuadër, si dhe zmadhimi 12x. Po ashtu, kjo videokamerë ofron mbështetje për kartelat e memories SD, SDHC e SDXC, gjersa ka qasje për USB dhe HDMI. Video materiali incizohet në rezolucion të plotë HD prej 1080.
Kjo pajisje del në shitje gjatë muajit të ardhshëm në Japoni, mirëpo çmimet nuk janë bërë të njohura