Merren masa ndaj komandantëve në veri

Policia e Kosovës pritet të ndërmarrë të martën masat ndaj komandantëve të stacioneve policore në veri të Kosovës, të cilët kanë refuzuar t’i binden urdhrave të drejtorit të Policisë, Reshat Maliqi që të dorëzojnë detyrat e tyre dhe të marrin detyrat e reja.
Zyra për Informim e Policisë së Kosovës ka konfirmuar se komandanti i stacionit policor në veri, Bratislav Kragovic është transferuar në pikën kufitare në Jarinë, Nenad Djuric i Zveçanit në stacionin e policisë në Leposaviq, e Dragan Stefanovic nga Leposaviqi në veri të Mitrovicës, ndërsa Drazo Bozovic nga Zubin Potoku në shtabin rajonal të policisë në Mitrovicë.

Komandantët e stacioneve policore në veri konfirmojnë se para një jave kanë marrë vendimin për transferim, dhe se nuk e kanë ndërmend që të lënë vendet e tyre të punës dhe të marrin të rejat. /Telegrafi/