Edhe 48 orë afat për komandantët e veriut

Drejtori i Përgjithshëm i Policisë së Kosovës, Reshat Maliqi ka
thënë se komandantët e stacioneve policore në veri të Kosovës janë
suspenduar, ngase kanë refuzuar të kalojnë në vende pune që u janë
caktuar në bazë të planit rotativ të Policisë së Kosovës dhe se nëse nuk
pranojnë vendet e punës mund t’i ndërpritet marrëdhënia e punës.“Do
të vazhdojnë të punojnë nëse pranojnë urdhrin që brenda 48 orëve të
shkojnë në punë, e nëse nuk pranojnë, atëherë njësia për standarde
profesionale do të vazhdojë procedurën rreth angazhimit të tyre në
polici”, ka thënë Maliqi për Radio KIM.
Në rast se komandantët e suspenduar vendosin të pranojnë urdhrin e
drejtorit Maliqi, mund të kthehen në punë, por në vendet e reja të punës
që u janë caktuar me rotacion.
Në kuadër rë rotacionit, komandanti i stacionit policor në Mitrovicë,
Bratislav Kragovic është caktuar në pikën kufitare në Jarinjë, Nenad
Djuriqi nga Zveçani në stacionin policor në Leposaviq, Dragan Stefanovic
nga Leposaviqi në stacionin policor në veri të Mitrovicës, ndërsa Drazo
Bozovic nga Zubin Potoku është caktuar në shtabin rajonal të policisë
në pjesën veriore të Mitrovicës.
Po ashtu, me rotacion është paraparë ndërtimi i komandantëve në pikat kufitare në Jarinjë dhe Bërnjak. /Telegrafi/